2024/2025學年專業技能培訓證書課程已順利完成(Chinese only)

5月10日喺職業技術教育活動中心2樓嘅會展及服裝形象與舞台設計區舉行2024/2025學年專業技能培訓證書課程嘅證書頒發儀式，非常熱鬧！

自2023/2024學年起，中心與澳門旅遊大學合辦澳門職業技能認可基準 - 西點蛋糕師 - 第一級課程，以及與澳門生產力暨科技轉移中心合辦時裝設計及製作培訓證書課程。兩個課程嘅同學分別經過7個月及5個月嘅學習過程，由專業嘅基礎知識同理論到複雜嘅製作技巧，終於成功通過專業嘅評核並獲頒發證書。儀式當日除咗合辦單位嘅代表出席外，仲有多間學校嘅領導同代表、同學嘅親友聚首一堂，一齊為順利完成課程嘅同學送上祝賀。西點蛋糕師課程嘅同學仲製作咗多款西點，時裝課程嘅學員作品亦於現場作展示，嘉賓都對同學嘅用心創意同手藝讚不絕口。

時裝設計及製作培訓證書課程嘅學員作品會繼續放喺職業技術教育活動中心大堂作展示，展期至2025年6月30日，市民可於辦公時間前往欣賞，查詢可致電8599 8499。

#職業技術教育 #職業技術教育活動中心

#澳門旅遊大學 #澳門生產力暨科技轉移中心

#澳門職業技能認可基準西點蛋糕師第一級課程

#時裝設計及製作培訓證書課程

#西點蛋糕師 #時裝設計及製作

#生涯規劃 #更多可能性

#教菁社區 #dsedjmacau

(Chinese only)